Plantun de Prouvènço

Pèr coumpara dos planto d'encò nostre

Chaerophyllum nodosum & Viola canina

Chaerophyllum nodosum

Apiaceae Umbelliferae

Nom en français : Cerfeuil noueux.

Descripcioun :
Aquéu cerfuei sóuvage dóu gènre Chaerophyllum, devengu pulèu rare, trachis dins li bos fres e sis óuriero majamen en Vaucluso. Èi lou soulet de l'an. Si cambo soun peludo, si petalo entiero e pelouso peréu e si fru espinous. En mai d'acò, poudès vèire de nous sus li cambo e acò pòu pas engana (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Chaerophyllum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 4 à 6 cm
Flourido : Printèms

Sòu : Ca
Autour basso e auto : 200 à 1200 m
Aparado : Noun
Mai à jun

Liò : Bos fres - Ribiero - Óuriero de bos - Escoumbre e proche dis oustau
Estànci : Mesoumediterran à Subremediterran
Couroulougi : Mediterrano-Touranieno
Ref. sc. : Chaerophyllum nodosum (L.) Crantz, 1767

Vióuleto-fèro

Viola canina

Violaceae

Autre noum : Palengo.

Noms en français : Violette des chiens, Pensée jaune.

Descripcioun :
La vióuleto-fèro o di-chin, que trachis dins li pelouso séusouso, èi pas uno di proun coumuno au nostre aleva dins lis Aup marino. Fai partido dóu group de vióuleto sènso rouseto emé de tijo qu'an de long entre-nous. Se recounèis tambèn à sis estipulo pulèu grando e dentado e à soun esperoun jaunas. Li petalo soun pas gaire acoulourido. La subsp. de Prouvènço ié dison ruppii emé soun soun esperoun que mounto.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.